Sa mamimili ng Nestle: A poem by Joi Barrios

Here’s a break from regular programming on this blog. I’m reposting a poem by Prof. Joi Barrios that urges public support and sympathy for striking workers of Nestle Philippines.

Ma’am Joi explains: “This poem is for Diosdado Fortuna, president of the Nestle Workers’ Union in the Philippines, who was slain on September 22, 2005. Meliton Roxas, former union president, was similarly gunned down in 1988.”

SA MAMIMILI NG NESTLE

Ang kape sa iyong tasa,
Ang gatas sa iyong kape,
Ang tubig sa pagtimpla,
Ay gawa ng manggagawa
sa pabrika ng Nestle.

Ang cereal sa almusal
Ang sampalok sa sinigang
Ang noodles na pangminindal
Ay tinda ng kapitalista
Ng kumpanya ng Nestle.

Sa pagitan ng manggagawa
At kapitalista,
Nariyan ka, butihing mamimili, nariyan ka.
May piketlayn na tinatawid nang walang malay
Sa bawat produktong binabayaran.

Kaya’t sa paghigop ng sabaw,
Paanong matutunawan?
Sa bawat pagsubo at pagnguya
Paanong di tatablan ng pagkutya?
Patatamisin ba ang bawat sakit ng pulis-batuta
ng tsokolateng panghimagas?
Lulunukin ba natin ang bawat pandarahas?

Tandaan. Kahit ang Alpo Dry Dog Food
Para sa minamahal mong si Bantay
Ay may dugo ng lider-manggagawang pinaslang.
Ay may dugo ng lider-manggagawang pinaslang.

An English translation is posted on Ma’am Joi’s blog To Be a Woman is to Live at a Time of War.

Leave a Reply

Your email address will not be published. Required fields are marked *